Indoneziya ta’lim universiteti va Toshkent davlat iqtisodiyot universiteti o‘rtasida qo‘shma ta’lim dasturi talabalarga mahalliy va xorijiy malakali professor o‘qituvchilardan sifatli ta’lim olish imkoniyatini taqdim etadi. O‘zbekiston va Indoneziyaning eng nufuzli universitetlari tomonidan tashkil qilingan ushbu qo‘shma ta’lim dasturini muvaffaqiyatli tamomlagan bitiruvchilar ikki universitetning oliy ma’lumot va malaka diplomiga ega bo‘ladilar.
Indoneziya ta’lim universiteti va Toshkent davlat iqtisodiyot universiteti o‘rtasida qo‘shma ta’lim dasturini tashkil etish bo‘yicha shartnoma imzolandi.
Shartnomaga asosan, bakalavr yo‘nalishlari bo‘yicha 3+1, Magistratura mutaxassisliklari bo‘yicha 1+1, ta’lim olish tizimi asosida o‘qitiladi. Indoneziya Ta’lim universiteti ta’lim yo‘nalishlari mahalliy hamda Germaniyaning AQAS (Agency for Quality Assessment) tomonidan akkreditatsiya qilingan.
Indoneziya ta’lim universiteti QS World University of Ranking by Subject ning Top-300 talikdan o‘rin olgan bo‘lsa, Toshkent davlat iqtisodiyot universiteti Times Higher Education (Impact Ranking) ro‘yxatida qayd etilgan.
