Ular berayotgan puxta bilim va ibratli tarbiya katta hayot ostonasida turgan o’g’il-qizlarning vatanparvar hamda hayotda chin inson bo’lishlari, Vatanimizga, xalqimizga fidoyi va halol xizmat qiladigan insonlar bo’lib yetishishiga zamin bo’lib xizmat qiladi. Toshkent davlat iqtisodiyot universitetida “1 oktabr – ustoz va murabbiylar kuni”ga bag‘ishlangan tadbirlar har yili katta tantana bilan nishonlanib kelinmoqda. Xususan bayram nunosabati bilan universitet hududida joylashgan “Ustozga ehtirom” monumentiga rektor Qo’ng’irotboy Sharipov boshchiligida gul qo’yildi. Shundan so‘ng ustozlarimizga bag‘ishlangan tadbir bo‘lib o‘tdi. Univeresitetda uzoq yillar davomida ishlagan va ayni kunlarda nafaqada bo‘lgan ustozlar holidan habar olinib bayram sovg‘alari topshirildi. Ushbu tadbirlar TDIU-Pendidikan xalqaro qo‘shma ta’lim dasturida hamda dastur kesimidagi kafedra tomonidan keng nishonlandi Shuningdek, dasturning faol talabalari ustozlar kuniga bag‘ishlangan tabrik videoroligini tayyorlashdi. Mazkur tadbir doirasida “Osiyo Grand” restoranida universitet professor-o‘qituvchilariga bayram dasturxoni yozildi.
