Mazkur forumda universitetning bakalavr, magistr va doktorant talaba-qizlarining ilmiy-tadqiqot va innovatsiyalar, axborot texnologiyalari, turizm, madaniyat va tadbirkorlik yo’nalishlaridagi innovatsion va ijodiy hamda qo’l mehnati ishlari ko’rgazmasi tashkil etildi.
Ko’rgazmada talaba-qizlar tomonidan video darslar, quiz testlar, trening kurslari, amaliy qo‘llanmalar va lug‘atlar, ilmiy-texnik ishlanmalar, dasturlar, platformalar, mobil ilovalar, veb-saytlar, mobilografiya ishlanmalari, turistik marshrut dasturlari, ziyorat turizmi, marketing, qalamtasvir, rangtasvir, liboslar bo‘yicha dizayner, naqqoshlik, 3D maket yasash, badiiy asarlar to‘plamlari, tikuvchilik, to‘quvchilik, pazandachilik, milliy-an’anaviy mayda tovarlar ishlab chiqarish kabi ishlari namoyish etildi. Shuningdek, ko’rgazma davomida ishtirokchilar tomonidan ko’rgazma mahsulotlari sotuvi ham amalga oshirildi.
Ko’rgazma so’ngida universitet Xotin-qizlar maslahat kengashi raisi G.Abdurahmanova tomonidan barcha faol ishtirok etgan fakultet Xotin-qizlar maslahat kengashlari tashakkurnomalar hamda esdalik sovg’alari bilan taqdirlandi
