Toshkent davlat iqtisodiyot universiteti «Zakovat» klubi tomonidan «Iqtisodiyot Quiz» bahsi tashkil etildi. Mazkur intellektual o’yinda Yoshlar Ittifoqining fakultet kengashlari hamda Yoshlar ittifoqi qoshida tashkil etilgan klublarning faol a’zolari ishtirok etidi.
Qiziqarli tomoni shundaki, avvalgi bahslarda sovrindor bo’lmagan jamoalarning ushbu o’yinda yuqori o’rinlarni egallashi o’yin qanchalik raqobatga boy bo’lganini ko’rsatib beradi. Bahs davomida yozilgan «anonim message»larning o’qib eshittirilishi ham alohida kayfiyat baxsh etdi.
O’yin yakunida quyidagi jamoalar alohida e’tirof etildi:
1-o’rin «Biznes boshqaruv fakulteti» jamoasi (3 million so’m pul mukofoti);
2-o’rin «Eco club» jamoasi (2 million so’m pul mukofoti);
3-o’rin «Xalqaro turizm fakulteti» jamoasi (1 million so’m pul mukofoti);
Ekvator jamoasi – “Press club” (700 ming so’m pul mukofoti);
Eng quvnoq jamoa – “Art club” (500 ming so’m pul mukofoti).
